أحنا وأهم

عـضو المساهمات : 8 تاريخ التسجيل : 14/11/2007

هذي الرسومات صممها طالب صيني درس وعاش في أمريكا، لكن الصراحة جابها صح
طبعا اللي بالأحمر هم الشرقيين (العرب و الاسيويين وتدخل معاهم حتى افريقيا) واللي بالأزرق هم الغرب (اوروبا وامريكا) afro

1- كيف تقول رأيك
الشرقيين يلفون ويدورون اما الغرب يعطونك اياها في مباشرة

2- طريقة الحياة
المجتمع الشرقي اجتماعي اما الغرب يعيشون منفصلين

3- المواعيد
الشرقيين اما انه يجي قبل الدوام بساعة (ياباني) والا ساحب ساعتين لأنه راحت عليه نومه (سعودي) أما الغربيين يجونك على وقت الدوام بالضبط
طبعا قيسها على باقي المواعيد اليومية من عزايم وغيرها

4- التواصل
المجتمع الشرقي افراده متواصلين مع بعض وكل واحد يعرف الثاني اما الغرب فعلاقاتهم محدودة

5- اظهار المشاعر تجاه الاخرين
بعض الناس في الشرق تشوفه يسلم عليك ويضحك وهو من داخل نفسه يقول ( وش جاب هالادمي في وجهي) اما في الغرب اذا كان الواحد ماله خلقك يعطيك اياها مباشرة في وجهك

6- التنظيم
لا تعليق

7- الشوارع في أيام الاجازات
الناس في الغرب وقت الاجازة يقعد في البيت ويريح راسه والا يطلع له رحله أما عندنا تعال شوف الهنود وغيرهم كلهم يطلعون الشارع خاصة يوم الجمعة....

8- الحفلات (العزايم)
الشرقيين الله يسلمك يلتفون على صينية الاكل ويضربون بالخمسة اما الغرب فكل واحد تشوفه جاي الحفلة اللي معاه خويته وجالسين لحالهم واللي واقف لحاله كأنه ابليس،، المشكلة على اي اساس يسمونها (بارتي) مدام هم كل واحد لحاله

9- السفر
الشرقيين يحبون يصورون الاماكن الحلوة في السفر اما الغرب يكفيه انه يطالعها وخلاص

10- مواجهة المشاكل
ايضا لاتعليق

11- ثلاث وجبات في اليوم
الغرب فطور خفيف – غدا جامد – عشا خفيف
الشرق على طول جوعانين

12- وسائل النقل
هذي زي ماقال نهاش فتى الجبل والصحاري والقفار: بالامس كنا في المقدمة واليوم في المؤخرة
وبكره ان شاء الله نطلع لقدام

13- الشعور اثناء تغير الجو
الشرقيين ماتفرق عندهم مطر والا شمس أما الغرب يحبون الشمس على ايش ماادري

14- الرئيس في العمل
عندنا الرئيس شي كبير حتى لو كان ماعنده سالفة، اما هم الرئيس عندهم واحد زيهم الفرق انه عنده بعض الصلاحيات ولازم (ما يتعداها)

15- الطفل
الطفل في الشرق محاط برعاية العائلة كاملة من أكبر جد الى اصغر أخ
اما عندهم حده ابوه وامه هذا اذا ما رموه في ملجأ

تحياتي

لوووووووووووولز

اي و الله يابها ييب هذا الشيؤووون الصيني

بس في نقطة أختلف بالراي فيها معاه .. << الله يخليييييييييج يا المختلفة كيكيكيكي !!

هذه الصووورة

احس بالعكس .. الاجانب مووووووووووتهم التصوير .. ان شا الله ضرس مسوس شالوه عند الدكتور صوروه ..

حصوة المرارة صوروها

كلينكس مستعمل .. صوروه << وع الله يلوع جبدج .. كيكيكيكيكيكيكي ..

احممم .. أتوقع وصلت الفكرة ..

::

بس أكثر وحدة عجبتني .. هي هذي

صج صج صج صج صج من قللللب احنا جذي شرباكات .. وععععععع ما احب جذي .. ناسات ما ادري من وين يطلعون

يقولون لج بنت خالة ام عمة جيران ولد حفيد اخت امج الحجية من الرضاعة ... قوووووووومي سلمي عليها .. رحمكم

<< اقووول لا يكثر بس .. انا عيال خوالي ما اعرف اساميهم لووووووولز

::

حبيتهوووووووم مرررة كثيييييير

يسلموووووو شووشووو .. يعتييييييج العافية يا قلبي

و منو لأحسن منوو

::

موضوع حلو وعمييييق وربي عميييق واحس الصيني الي راسم ها الصور
معلق عليها بناء على نظرة عميقه ودراسه جادة وكاملة
والي مترجمه للعربي كان قصده الفكاهة معني لاحظت معلومات خطا في خطأ
يعني انا اتمنى اشوف الخبر الاصلي لاني متاكد ان وراء كل صورة من ها الصور كم هائل من المعلومات
يعني لو ناقشنا كل صورة لحالها اتوقع بنالف كتاب
لان الي مسوي ها النظريات شخص صيني آسيوي
وعايش بأمريكا والمقارنه بين شرق اسيا والغرب والنقاط الي با الصور كلها صحيحه تماما بوجهة نظري
لان احتكيت با الشرقين والغربيين
لاكن التعليق الي كاتبه الشخص العربي اغلبه مغلووط خصوصا انه حاول انه يدخل فيه العرب والافريقيين
وهاذا شي غلط لان احنا مو آسيويين زي ماهو متعارف عليه با العالم
ونفس الشي دول جنوب امريكا وشمال اوربا ووسط آسيا كلها ماتدخل با الدراسه
وجهة نظر
وتسلم يدك ست قماشة Smile

وتوفي با النسبة للتصوير اذا تشوفين الغرب يصوورن حتى العلج لمن يعلجونه
شوفي اليابانيين والصينيين تقريبا كل واحد مدون حياته يوم بيوم با الصور وتلاقينهم يطلعون رحلات كثير بس للتصوير
بعكس الغرب الي يحاوولن يستمتعون اكثر lol!

انا كان يرتفع ضغطي اذا شفت احد ماشغله الا ت شكشك صور لنفسه
بس عرفت ان حنا بنعمة الحين بعد ماشفت الآسيوين

ايييييييييه

جابها في الصميم ابن العرندلي <<-- ما ادري شنو معناها بس حبيت اقولها lol!

اصلا ً هذي الصورة الي فوق والواقع الي نعيشه .. هو سبب كل مشاكلنا والإنحطاط الي مخاوينا
برغم ان الديموقراطية الي يتكلمون عنها الغرب وخابينا فيها ... هي بالأصل تعاليم اسلامية المفروض نكون متربين عليها من الصغر وراضعينها مع الحليب scratch

صدق من قال ان الغرب مسلمين بلا اسلام
ومثل ما قال الشاعر ( نعيب زماننا والعيب فينا وما لزماننا عيب سوانا ) Crying or Very sad

مشكورة خالتي قماشة على الموضوع الحلو I love you