السلامز عليكم
حفلة الافتتاح
الساعة 10 من مساء يوم الجمعة الموافق 16 من نوفمبر 2007
الحضور :
أعضـــــاء منتدى ( ماي عالمز ) الصغيرون الكرامـ
تومي
قماشة
سند
و آخركمـ
توفـي 
أنــا اخترت هالشي عشان أحضر هالمناسبة
و الجوتي و انتو بكرامة أسود ..
و العطر [ كوكو شانيل ]
ما ودي أكون رسمية لأن حلاة الأمور بعفويتها ..
بس بقول أشياءاتز تخطر على البال و يمكن يناسب ذكرها الحين أكثر من أي وقت ثاني
صـح هو افتتاح .. بس ما راح نسوي مثل كل الافتتاحاتز
و نقص شريط و مدري شنو
إن احنا نفتتح شي معناه إنه من قبل كان مسكر .. و بما ان المنتدى يقوم على عقليات و مشاعر و شخصيات روادهـ .. اللي بطبيعتها تكون متفتحة و منفتحة و منطلقة للحياة .. أي منتدى مهما كان في بداياته ما يعتبر شي مغلق .. هو مفتوح بعقول الاعضاء من زمااااان.. الفرق الوحيد انه انوجد في حيز العالمـ الرقمي متأخر شوي
و صح نزلنا مواضيع قبل ما نسوي حفلة تقديمية ..
بس لأني أتفاءل بالأرقامـ الزوجية أكثر من الفردية .. و بما انه ثاني أحد سجل كانت تومي ماي كزن .. ما يعتبر هذا افتتاح رسمي لو سويته بوقتها .. فـ قلت إني بنتظر لغاية العدد الزوجي الياي ..
و الحمدلله .. صرنا .. 3 .. و كثرنا و صرنا4 كمانز ..
و ان شا الله راح نكبر اكثر و أكثر .. و يظل العدد زوجي << مصممة كيكيكيكيكي << و ربي الأعداد الفردية يأزون بالتقسيم و الطرح ..
:
بعددنا الصغير .. على حصير هالمكان البسيط ..
خاتري أشكركمـ وااااااااااايد ..
ترددت كثير كثييييييييير أكثر شي قبل ما أقرر
مع ان الفكرة كانت مطروحة للنقاش من قبل .. و تومي عارفة شكثر تجادلنا بهالطاري
بس لما صج شفت ان المنتدى ..قابل انه يكون حقيقة بمجرد ضغطة زر .. !!!
ظليت أفكر بالموضوع وايد ، الأشياء اللي ما تكون في حيز اللمس صعب التعامل معاها و السيطرة على الفالت منها ..
شلون بشي مو ملموس .. و فيه تعامل مع ناس ما قد شفناهمـ ! بصراحة خفت و ترددت
بعدين .. قلت أندمـ على شي سويته .. و لا أندمـ علي شي ما سويته ..
هي تجربة راح نخوضها مع بعض..
و الحين الحين الحين حسيت إني لما قررت افتح المنتدى كان القرار صح .. بعد ما شفت أول الأعضاء أشخاص أعرفهمـ و كان لي شرف النقاش و الرد عليهمـ و ردهمـ علي من قبل
و الحمدلله ما لقيت منهمـ إلا كل خيرز ..
تومي : قبنتي الوحيدة اللي أحبها .. ماي كزن و رب البيت يو آر أكثر وحدة فكرت فيها و أنا اقول بسوي هالمنتدى .. و كانت ردة فعلج منه هي أكثر شي خلاني أستانس لما قلتي انج مبسوته مرة كثير .. يا رب دومز عليج الوناسات فديتج
قماشة : هادية صح .. بس الزين يفرض نفسه .. و إلا ما تبين شخصيتج و تظهر على السطح ، لكا نبتة بيئتها .. و أتمنى بيئة المكان بقلة إمكانياته و كثير المحبة فيه تناسبج و تبقين معانا تنورينا ..
سند : شخصية لطيفة و واعية .. مستحيل تمر مرور الكرامـ .. انضمامك لهالعايلة أكيد له جميل الأثر ، و أكيد راح تثري كل عوالمـ المكان بروحك المتميزة
مشكوريييين وااايد .. ربي يدومـ الجـو الحلو و اللمة الحلوة
و نكبر سوا بأسلوب لطيف ، راقي .. و محتـرمـ
::
و خاتري بعد أقول ..
أنا ما اعرف أكون مديرة و لا بتيخ ..
و بصراحة ما ودي ..
حدي أكون نفسي .. و ساعات يبي لي يكون علي مديرة خخ ..
ما راح أفرض قوانين و لا شي .. لأن القوانين لما تنحط الناس بطبيعتها تميل إنها تكسرها و تخرج عن المرسوم لها ..
كل واحد عنده رقابة ذاتية أنا واثقة فيها ..
و كلنا بالأخير هني .. عشـان نستفيد .. و نستانس .. تحت نطاق الذوق و الأخلاق و هالصفتين ما يختلف عليهم اثنين بشخصيات الأعضاء المتواجدين هني
و أتمنى إن أي شي يصير و يضايق أي أحد فينا نتكلمـ فيه و نحاول نتفاداه عشان محد يشيل بخاتره من أحد .. حيثو أن كسر الخواتر شين
:
بعد خطبتي العصماء اللي أشوفكمـ قمتوا تتثاوبون و انا اقولها ..
أتمنى إن المكان هني يكون قد معزتكم إن ماي قلب .. و عذروا تقصيري
..
و يلاااااااااااااااااااااا انتشروا في أرجاء المووكان و عيشوووووووا حيااااااااااتكمـ .. ابتدت الحفلة
و كل واحد ياخذ له كيكة .. و الخامسة .. حق صاحبها الغايب .. خامس شخص بيسجل معـانا << متفائلة
و يشرب عصير مدري وشو بس شكله حلو كااااك << ضحكة المنتدى اليديد توها مولودة تتربى بعز كيكيكيكي ان شا الله
و هذااااااااا حلاوز مال انا المفضل الشيؤووون ختير
لـ عيونكمـ و اللي ما يبي .. عاتي يردهـ أحسن بعد ..
::
....
إمممممم .. أكو أشياءز وايد بس .. الحروف و الصورز ما يساعدون ينقلون شعورز ..
بس هذي الصورة حبيتها و حسيت إنها معبرة كثير ..
و الله صادقين .. أحب كمبيووووووتري لأنكم عايشييييييييييييييين فيه .. مو عشان شي ثاني
..
الله يخلي كل كمبيوتر لصاحبه .. عشان يبقى متواصل مع أصحابه .. << فهمتوا و لا لازم أشرح !!
و بالأخيــــــــر
قبل لا اروح أذاكر فيزيكال ساينس ...
لقلوبكمـ
الرئيسية 
![[ سنــد ]](https://2img.net/u/1112/37/83/96/avatars/4-55.jpg)
مثل ما يسرسح الدخان داخل الشرايين 
، والعضو صاحب الكيكة الخامسه ، وسند الموقر 
