حبيبي..بذمتك وينك .. ؟

حبيبي
بذمـّتك وينـك ..؟

نشف دمّي
وأنا اناديك ..

حبيبي منت مثل أول
تغيّر كل شي ٍ فيك ..

وانا اللّي كنت أقول الليل

يا ربي بغيبتك .. بارد
آثر حتى النهار.. بارد
وّجه السالفه .. بارد
وّقتي كل ما أزوره
لقيته منتهي و ..بارد

..ولا باقي لي .. إلا أمرين :

./ يا أقطع غصن من صدرك !
./ يا تحيي دنيتي و أحييك !

حبيبي منت مثل أول
تغيّر كل شي ٍ فيك ..!

ترى اللّي بيني و بينك
مهي عشرة كلام وبس

غيرك ما ملا عيني

وغيري ما خلق بك حس ..

بربك أرفق بحالي :

نسيت حكايتي و شمعي
وكيف إن السهر دمعي

وكيف أهديت لك كلّي
عيوني .. حكيي .. سمعي ..!

حبيبي منت مثل أول

تغيّر كل شي ٍ فيك ..!

تذكّر أي شي عنـّي

تذكّر يوم كنت تقول :

أحبّك .. كل ما تضحك .. أحبك زود
واحبّك لا قعدت تقلّد الأطفال .. بسواليفك

أحس ان ودّي أضمّك ..

وأعاندك :

وأقولك : صح أنا ماما مؤدب صح
بس مدري طلعت .. لميـن ..!

تقولي : إيه .. طلعت لأمك ..!!

تذكّر أي شي عنـّي
تذكّر يوم كنت تقول :

كل ما جيت ابيّن لك غلاك ..
يخونني التعبير

يا ليت أحبّك تكفـّي
يا ليت أوصل بك لشفـّي

وربي إني أشوفك غير
يا ليت ما تنـّطق بعدك

صباحك يا حبيبي خير ..

تذكّر أي شي عنـّي
تذكّر يوم كنت تقول :

حرام .. شذنبك أتضايق
وتتضايق .. من أسبابي !

أنا كلّي خجل منـّك ..

وأقولك :

ما تعرف إني : بقايا طيب أعرابي

أنا مالي غنى عنـّك

أنا لو يلحقك .. مكروه

أبيع بوقفتي ثيابي ..

حبيبي منت مثل أول
تغيّر كل شي ٍ فيك ..

نسيت إن السهر : أحلام
إلى شفتك كذا .. منضام

أجيك من .. آخر ضلوعي
أجيك من أطرف الأيام .!

وأمسح دمعك و كحلك

وأحط إيدي وساده لك

وأقولك :

بس حبيبي نــام

عشاني بس حبيبي نام ..!

حبيبي راحت الدنيا .. ورحت
وجت .. وانا ما جيت !

تلمّستك هناك وهمت
تحسستك .. أحسبك نمـت ..

وقمت أمسح على شعرك

آثرني واهم بطيفك

وآثر قلبك : حسافه ميت ..!

حبيبي منت مثل أول

تغيّر كل شي ٍ فيك ..!!

صالح عبدالكريم